PULAYADI MAKKALKKU Lyrics - Pushpadas Kadavanthra
| Singer | Pushpadas Kadavanthra |
| Composer | |
| Music | Bijibal |
| Song Writer | PNR Kuruppu |
Lyrics
pulayadi makkal kavitha lyrics
പുലയാടി മക്കള്...
പുലയാടി മക്കള്ക്ക് പുലയാണ് പോലും
പുലയന്റെ മകനോട് പുലയാണ് പോലും
പുലയാടി മക്കളെ പറയുമോ നിങ്ങള്
പറയനും പുലയനും പുലയായതെങ്ങനെ
പറയുമോ പറയുമോ പുലയാടി മക്കളെ...
പുതിയ സാമ്രാജ്യം പുതിയ സൌധങ്ങള്
പുതിയ മണ്ണില് തീര്ത്ത പുതിയ കൊട്ടാരം
പുതിയ നിയമങ്ങള് പുതിയ സുരതങ്ങള്
പുതുമയെ പുല്കി തലോടുന്ന വാനം
പുലരിയാവോളം പുളകങ്ങള് തീര്ക്കുന്ന
പുലയക്കിടാത്തി തന് അരയിലെ ദുഃഖം
പുലയാണ് പോലും പുലയാണ് പോലും
പുലയന്റെ മകളോട് പുലയാണ് പോലും
പുലയാടി മക്കള്ക്ക് പുലയാണ് പോലും
പതിയുറങ്ങുമ്പോള് പറയനെ തേടും
പതിവായി വന്നാല് പിണമായി മാറും
പറയന്റെ മാറില് പിണയുന്ന നേരം
പറകൊട്ടിയല്ലേ കാമം തുടിപ്പൂ
പറയനെ കണ്ടാല് പുലയാണ് പോലും
പുലയാടിമക്കള്ക്ക് പുലയാണ് പോലും...
പുതിയകുപ്പിക്കുള്ളില് പഴയ വീഞ്ഞെന്നോ
പഴയനീന്നും പഴയതെല്ലെന്നോ
പലനാളിലെന്നെക്കുടിപ്പിച്ച നീര്
പുഴുവരിക്കുന്നരാപ്പഴനീര് തന്നെ...
കഴുവേറി മക്കള്ക്ക് മിഴിനീരു വേണം
കഴുവേറുമെന് ചോര വീഞ്ഞായി വരേണം
കഴിവില്ലവര്ക്കിന്നു കദനങ്ങള് മാറ്റാന്
കുഴിവെട്ടി മൂടുന്നു നിത്യസത്യങ്ങള്...
കഴുവേറി മക്കളെ വരുകിന്നു നിങ്ങള്
കഴുകനിവുടെണ്ടെന്നറിഞ്ഞില്ല നിങ്ങള്
കടമിഴികള് കൊത്തി പറിക്കുന്ന കൊമ്പന്
കഴുകനിവുടെണ്ടെന്നറിഞ്ഞില്ല നിങ്ങള്...
പുലയാടി മക്കള്ക്ക് പുലയാണ് പോലും
പുലയന്റെ മകനോട് പുലയാണ് പോലും
പുലയാടി മക്കളെ പറയുമോ നിങ്ങള്
പറയനും പുലയനും പുലയായതെങ്ങനെ
പറയുമോ പറയുമോ പുലയാടി മക്കളെ...
0 Comments